Krem og fyllingar

Smjörkrem (hvítt):

  • 75-100 gr smjör eða smjörlíki
  • 2-3 dl flórsykur
  • (1 msk vatn)
  • Bragðefni eftir smekk, t.d. vanillu, jarðaberja, piparmyntu o.s.frv.

Súkkulaðismjörkrem:

  • Sama uppskrift og hér að ofan en bætið við 2 msk Kakó og ein eggjarauða
Leiðbeiningar:
Þeytið smjörið og vanilludropana saman með K-i eða öðru áhaldi sem fylgir hrærivélinni ykkar, ég nota ekki þeytara. Bætið svo flórsykri við 1dl í einu. Þeytið þangað til kremið er orðið vel loftkennt og hvítt (gæti tekið nokkrar mín). Ef ykkur finnst kremið of þykkt getið þið bætt við smá vatni 1 msk í einu þangað til að það er nógu mjúkt.
___________________________________________________________
Hvítt “fluffy” krem (uppskrift úr GoodFood101, cakes & bakes)
  • 1 eggjahvíta
  • 4 msk ferskur appelsínusafi*
  • 175 gr flórsykur
  • Annað skraut t.d. silfurkúlur
*Þessu má eflaust skipta út fyrir annað bragð eða sleppa, það varð svolítið sterkt appelsínubragð af kreminu sem passar ekki með öllum tegundum af muffins eða kökum.

Settu flórsykurinn, eggjahvítuna og safann í hitaþolna skál. Settu hana svo yfir pott með sjóðandi vatni og þeyttu saman með rafmagnsþeytara (yfir sjóðandi vatninu) í 7 mínútur. Taktu svo skálina af og þeyttu í aðrar 2 mínuru. Því næst geturu sett kremið á kökunar með kökuspaða eða öðru áhaldi og reyndu að mynda einskonar snúning. Hægt að skreyta að vild :)

Þetta krem er áætlað fyrir 18 kökur og því verður eflaust einhver afgangur ef gerðar eru 12.

_______________________________________________________

Rjómaostakrem (á Gulrótarköku)

  • 1/2 bolli (115 gr) mjúkt smjör
  • 8 únsur (225 gr) rjómaostur
  • 4 bollar (480 gr) flórsykur
  • 1 tsk vanilludropar
  • 1 bolli (110 gr) saxaðar pekanhnétur***

Leiðbeiningar:

Setjið öll hráefnin í skál og hrærið saman (ég notaði k-ið á KitchenAid vélinni minni. Hrærið þangað til kremið er orðið létt og kremað. Smyrjið svo kreminu á kökuna með kökuspaða eða því sem hentar :)

______________________________________________________________

Karamellusósa, 1/2 uppskrift:

  • 100 gr púðursykur
  • 50 gr síróp
  • 70 gr smjör
  • 3/4 dl rjómi
Öllu skellt saman í pott og hitað þangað til þykknar, ca 5 mínútur. Leyfið sósunni að kólna áður en henni er hellt yfir maregnisnn svo hann bráðni ekki :)
__________________________________________________________________________

Súkkulaðimús (heil uppskrift)

  • 4 eggjarauður
  • 1/4 bolli sykur
  • 2 bollar suðusúkkulaði
  • 1/4 bolli smjörlíki (eða smjör)
  • 1 og 1/4 bolli rjómi
  • 1 tsk vanilludropar
Ég vona að þið getið nýtt ykkur þó uppskriftin er í bollum. Ég nota svo margar þannig uppskriftir að ég endaði á að fá mér amerískt mál svo ég þyrfti ekki alltaf að breyta yfir í grömm o.þ.h.

Leiðbeiningar

  1. Þeytið eggjarauður og sykur vel saman svo úr verði létt og ljóst krem og leggið til hliðar.
  2. Bræðið smjörlíki og súkkulaði saman í hitaþolinni skál yfir vatnsbaði eða örbylgjuofni.
  3. Hellið eggjahrærunni og 1/4 bolla af rjómanum út í, blandið vel saman og leyfið að kólna við stofuhita.
  4. Þeytið restina af rjómanum og vanilludropunum saman blandið svo súkkulaðiblöndunni saman við. Þá eruð þið komin með þessa dýrindis mús.

No comments yet.

Leave a Reply