Vatnsdeigsbollur

Gerir um 12 stk af miðlungsstórum bollum (auðvelt að tvöfalda hana)

Vatnsdeigsbollur

Uppskrift

  • 80 gr smjörlíki
  • 200 ml vatn
  • 2 stk egg
  • 100 gr hveiti
  • smávegis salt

Aðferð

  1. Hitið ofninn í 200°C
  2. Hitið saman vatn og smjörlíki þangað til smjörlíkið er alveg bráðið og takið af hellunni.
  3. Blandið hveitinu saman við vatnið og smjörlíkið með sleif, hrærið saman þangað til degið losnar af sleifinni og stráið salti yfir. Leyfið að kólna aðeins.
  4. Þeytið eggin og blandið þeim svo saman við deigið í hrærivél eða með handþeytara. Setjið smá í einu en passið að hræra ekki of mikið. Passið að deigið má ekki vera of lint.
  5. Setjið deigið á plötu með smjörpappír, annaðhvort með tveim skeiðum eða sprautupoka. Munið að hafa nóg bil á milli þar sem þær stækka nokkuð.
  6. Bakið í 20-30 mínútur í miðjum ofni. Passið að opna EKKI ofninn fyrstu 15 mínúturnar annars geta bollurnar fallið. Það er þó gott að taka eina út þegar tíminn er kominn til að athuga hvort þær séu ekki örugglega full bakaðar.*

* Ég bakaði tvöfalda uppskrift og setti inn tvær plötur með viftuna á og þurfti alveg 30 mínútur. Það verður hörð skel fyrst en svo mýkist hún upp.

Glassúr:

  • Flórsykur
  • Vatn
  • Matarlitur eftir smekk

Blandið saman smá vatni við flórsykur og hrærið saman með gaffli eða písk. Magn af hvorutveggja fer alveg eftir smekk. Þó er betra að hafa glassúrinn ekki of þykkann/stífan svo þið getið auðveldlega díft bollunum í.

Hugmyndir að fyllingum:

  • Sulta og þeyttur rjómi
  • Royal búðingur (karamellu, vanillu, súkkulaði), blandið duftinu saman við helming af magni vökvans sem tilgreint er á pakkningunni. Leyfið að stífna og setjið svo inn í bollurnar. Gott er að hafa smá þeyttan rjóma með.
  • Þeytið saman stífan búðing og rjóma.
  • Svo er hægt að og þeyta rjóma ásamt jarðaberjum úr dós eða aðrir ávextir.
  • Leyfa hugmyndafluginu að ráða!

no replies

Leave your comment