Í síðustu færslu sagði ég ykkur frá köku í síðasta föstudagskaffi en þar minntist ég ekki á að ég gerði einnig þessar Pekanhnetu muffins með karamellusósu 
Uppskrift af Pekanhnetumuffins
- 125 gr smjör, mjúkt
- 125 gr púðursykur
- 2 stk egg
- 150 gr hveiti
- 1 tsk lyftiduft
- 1/4 tsk matarsódi
- smá salt
- 1 tsk vanilludropar (má sleppa)
- 100 gr (1 poki) pekan hnetur, gróf saxaðar
- Karamellusósa*
*Hægt er að kaupa út í búð eða gera eigin, sjá uppskrift neðar
Aðferð:
- Hitið ofninn í 180°C
- Setjið öll hráefnin, nema pekan hneturunar í skál og hrærið þangað til blandað en ekki ofhræra.
- Setjið um 3/4 af söxuðu pekan hnetunum í deigið og blandið saman með sleif. Setjið deigið í 12 muffins form og bakið í um 20 mínútur eða þangað til þær eru nokkuð þettar viðkomu.
- Hellið smá karamellu sósu yfir kökurnar þegar þær eru komnar úr ofninum og búnar að standa á grind í ca 5 mínútur. Stráið svo restinni af hnetunum yfir kökurnar. Gott er að bera þær fram volgar með volgri karamellusósu en þær smakkast alveg jafn vel kaldar. Ég bakaði þessar daginn áður en setti karamellusósuna á daginn sem ég bar þær fram.*
Ég setti restina af karamellunni í könnu og gátu þá þeir sem vildu fengið sér aðeins meiri karamellusósu með
Karamellusósa
- 100 gr púðursykur
- 50 gr síróp
- 70 gr smjör
- 3/4 dl af rjóma
Aðferð: Sjóðið allt saman í potti þangað til allt er bráðið og fer að þykkna, ca 5 mínútur. Sósuna er hægt að bera fram heita eða kalda og geymist í allt að tvær vikur í lokuðu íláti í ísskáp. Tilvalin með ís ofl.
