Síðan strái ég vel af kanilsykri yfir

Þá er að rúlla upp í pylsu, reyni að hafa svolítið þétt, ég klemmi endana svo saman við í lokin, svo að snúðarnir opnist ekki mikið og sker niður.

Skelli þessu á bökunarplötu og baka

Núna er heimilisfólkið farið að bíða eftir að fá snúða, en lyktin er rosalega góð.

Hér kemur uppskriftin (til útprentunar)

• 1 poki ger
• 150 gr smjörlíki
• 5 dl mjólk
• ½ tsk salt
• 1 ½ dl sykur
• 1 ½ tsk kardimommudropar
• 1 egg
• u.þ.b. 1 ½ L hveiti

Aðferð:

1. Blanda þurrefnum saman
2. Bræða smjörlyki og hita mjólk í ca 37°
3. Blanda öllu og hnoða vel
4. Hefa í 30-40 mín
5. Fletja út, pensla með smjörlyki, strá kanilsykri yfir og rúlla upp í pulsu, skera niður
6. Baka í miðjum ofni í 10-15  mín á 250°C

Þessi kaka er hringbotnar með handbolta ofaná. Til að gera bolta áhvað ég að prófa eitt sem ég hef ekki gert áður, ég bakaði  í skál. Náði mér í skál sem þolir ofnhitann, smurði það vel og skellti svo deginu í það. Þetta gekk bara ljómandi vel, var aðeins lengur í ofninum en þegar ég baka venjulega hringbotna.

Neðri hlutinn af kökuni eru 2 botnar bakaðir í 26cm hringmóti, þá setti ég saman með smjörkremi á milli og skreytti með því. Ég nota liti frá Wilton og í rauða notaði ég red red litinn. Oft þegar ég er að gera skreytingar þar sem þarf að vera nákvæmni, doppa ég eða sker aðeins í kökuna til að fá viðmiðunarstaði. Ég byrja líka alltaf á dekkri litnum, það er auðveldara að setja hvítt ofaní og á milli rauða því annars getur sá rauði farið að smita.

Ég nota stút nr 17 úr Wilton settinu mínu mjög mikið og er hann notaður á þessa köku, en upp kantana notaði ég stút nr 32

Þá er kominn tími á að gera boltann sjálfan, en ég áhvað að skera út sexhyrninga og setja á boltann, ég teiknaði mér einn sexhyrning, klippti út og skar síðan fondant með pizzahníf eftir mótinu.

Tips: Ég þurka af öllum áhöldum sem ég nota í fondant með röku tisjúi, en það kemur ekki kusk af því eins og á til að koma frá viskustykkjum.

Ég setti síðan saman 2 botna sem ég bakaði í skálini, með smjörkremi á milli og utanum. Stakk síðan 2 pinnum í til að styðja við þegar ég set boltann ofaná kökuna.

Ég skellti svo bara boltanum ofaná kökuna, en ég mæli ekkert endilegga með því. Það kom  í ljós að ég er greinilega ekki með próf í bolta gerð, en mér gékk illa að fá sexhyrningana til að passa saman, þannig að ef ég geri svona aftur þá mun ég setja fondant utanum boltan fyrst og setja hann síðan ofaná kökuna og strika boltamynstrið eftir á. Þrátt fyrir allt er ég nokkuð sátt með útkomuna, ég veit að kakan er góð á bragðið og það er nú fyrir öllu.

Hér er svo lokaafurðin!

Hér er uppskriftin mín af skúffukökunni sem ég bakaði í þessa köku en það þurfti 1,5 uppskrift í þessa köku:
(eintak til prentunar)

Uppskrift:

• 600 gr hveiti
• 640 gr sykur
• 8 msk kakó
• 260 gr mjúkt smjör
• 2 tsk lyftiduft
• 2 tsk natron
• 2 bollar mjólk
• 4 stór egg

Aðferð:

1. Setjið öll hráefnin í skál og hrærið í um 2 mínútur í hrærivél
2. Bætið síðan eggjunum við, einu í einu.
3. Setjið í ofnskúffu (gott að hafa bökunarpappír í henn til að auðvelda vinnuna og þrifin.
4. Bakið við 180°C í ca 40-50mín (gæti verið 30-40 mín fyrir aðra ofna).

Fyrir valinu var bananamuffins með súkkulaðikremi.

Uppskriftin af kökunum er svohljóðandi (smellið hér til að fá prentútgáfuna), gerir 12 stk:

• 120 gr hveiti (hægt að nota spelt eða heilhveiti í staðin)
• 140 gr sykur
• 1 msk lyftiduft
• 1 tsk kanill
• 1 tsk engifer
• hnífsoddur salt
• 80 gr ósaltað smjör við stofuhita
• 120 ml mjólk
• 2 egg
• 1 þroskaður banani*

*Ég held að það sé hægt að leika sér heilmikið með þessa uppskrift, t.d. skipta út bönunum fyrir epli. Bæta við smá súkkulaðibitum, rólo, karamellukurli eða öðru gómsætu sem ykkur dettur hug.

Aðferð:

1. Hitið ofnin í 170°C
2. Blandið saman þurrefnunum ásamt smjöri í hrærivél og hrærið saman á litlum hraða þangað til blandan er lík sandi.
3. Hellið mjólkinni varlega í blönduna og hrærið þangað til allt er vel blandað saman.
4. Bætið eggjunum út í og munið að skafa meðfram hliðum gerist þess þörf.
5. Setjið stappaðan bananann út í síðast og blandið saman við með sleif.
6. Setjið í muffins mót og bakið í 20 mínútur eða þangað til gullnar að lit og heldur lögun þegar snert léttilega.
7. Leyfið kökunum að kólna áður en kremið er sett á.

Súkkulaðikrem og skreyting:

•  300 gr flórsykur
• 100 gr ósaltað smjör við stofuhita
• 40 gr kakó, t.d. Cadbury´s
• 3 msk mjólk
• 40 gr rifið súkkulaði (til að skreyta ofan á – má sleppa)

Aðferð:

1. Hrærið saman smjör, flórsykur og kakó á meðalhrað og blandið vel saman.
2. Hægið á snúningnum og bætið við mjólkinni, smávegis í einu.
3. Hrærið allt saman á miklum hraða í allt að 5 mínútur. Eftir því sem þið hrærið lengur því léttara og ljósara verður kremið (extra creamy ef svo má segja).

Skerið svo niður smá súkkulaði með ostahníf  og skreytið eða eftir eigin hugmyndarflugi.

Kökurnar voru svo góðar að  við vorum öll sammála um að það megi alveg sleppa kreminu á þær.

Verði ykkur að góðu!

Þessi kaka hefur alltaf slegið í gegn, sama við hvaða tilefni og árstíma en mér finnst þetta góð sumarterta. Þessi kaka er svo falleg með kókosnum ein og sér en er líka falleg með smá blómum. Ég var með nokkur blóm sem ég átti en held að lifandi blóm eins og fjólur eða blóm í svipuðum dúr passi mun betur við tertuna enda er það skreytingin sem Halldóra mælir með. Ég gerði þessa í stærra formi þannig að hún verður ekki jafn há, hinsvegar er hún alveg geggjuð þegar minni form eru notuð og verður mun brúðarlegri með þeim hætti.  Nóg um þessar lýsingar, hér er mynd af tertunni með og án blóma.

Svona kom kakan út án blóma. Diskurinn er frá Arca design. Kakan er örlítið gulleit útaf ljósinu en kókosinn er alveg hvítur.

Blómaútgáfan.

Hér koma svo nokkrar myndir af ferlinu.

Þar sem ég á ekki tvö hringform í sömu stærð finnst mér mjög gott að setja bökunarpappír á hliðarnar. Það flýtir fyrir þegar þarf að nota formið aftur.

Yfirleitt skelli ég kökuforminu nokru sinnum í borðið til að jafna deigið og fá sem besta dreifingu í forminu.

Kakan ætti að líta u.þ.b. svona  út þegar hún er komin úr ofninum.

Þar sem kremið og kókosinn er ansi klístraður er þetta snilldarlausn til að losna við að þurfa þurrka af jaðri disksins áður en kakan er borin fram.

Kemið komið á. Ég dreifði aðeins of mikið úr kreminu en þar sem það er ekki sérlega stíft er ágætt að  hafa það ekki alveg út í jaðarinn svo það flæði ekki mikið út fyrir. Munið eftir að setja hluta af kókosnum yfir kremið svo sé smá á milli botnanna (mér tókst að gleyma því í þetta skiptið).

Það er í góðu lagi þó það sé svona smá bil á milli botnanna þar sem kremið fyllir upp í og kókosinn felur  lika ýmislegt.

Kremið komið á og sést hvernig það getur lekið út á diskinn.

Kókosinn kominn á. Ekki beint það snyrtilegasta en hrikalega flott þegar allt er komið saman. Ef þið viljið gera tveggja eða þriggja hæða tertu úr þessari mæli ég með að nota stífara krem heldur en sítrónukremið. Þá frekar rjómaostasmjörkremið sem fer utanum kökuna, sítrónusmjörkrem, sítrónujómaostakrem eða anað stíft sem ykkur þykir gott.

UPPSKRIFT

Ef þið viljið prenta hana út eina og sér, smellið hér. Þessi uppskrift er fyrir um 12-16 manns

Botnarnir:

• 3 bollar (365 gr) hveiti
• 1 msk lyftiduft
• 3/4 tsk salt
• 3/4 bolli (170 gr) ósaltað smjör – við stofuhita
• 1 3/4 bolli (350 gr) sykur
• 4 stór egg, aðskilin
• 1 tsk vanilludropar
• 1 tsk kókosdropar (má sleppa)
• 392 ml (1 dós) ósæt kókosmjólk – ég nota coconut cream í grænu eða brúnu dósunum sem fást í Kosti og Vietnam market á Suðurlandsbraut
• 1/4 tsk cream of tartar (má sleppa)

Rjómaostakrem (helmingið uppskriftina ef þið viljið sítrónukrem á milli)

• 170 gr rjómaostur, við stofuhita
• 1/4 bolli (60 gr) ósaltað smjör)
• 4 bollar (450 gr) flórsykur
• 1/4 bolli (ca 4msk) kókosmjólk (afgangur af dósinni að ofan)

Sítrónukrem - sjá einnig uppskrift hér.

• 125 ml ferskur sítrónusafi
• 2 msk ósaltað smjör
• 3 stór egg
• 1 stór eggjarauða
• 1 1/4 dl sykur
• 1/4 tsk vanilludropar
• hnífsoddur af salti

 Athugið að kremið er frekar blautt og hentar ekki sérlega vel í staflaðar kökur á hæðum.

Skreyting

• 200 gr sæt rifin kókoshneta (Angel Flake coconut frá Baker’s sem fæst í Kosti)
• Ferskar fjólur eða önnur falleg blóm til skrauts

Aðferð – botnar:

1. Hitið ofninn í 180°C
2. Fóðrið botn og hliðar á tveimur 23cm hringformum (má líka vera 20cm eða 25 cm en athugið breyttan bökunartíma)
3. Sigtið þurefnin saman í skál og leggið til hliðar
4. Hrærið smjör í skál og bætið sykrinum rólega saman við þangað til létt og ljóst, bætið svo eggjarauðunum við, einni í einu.
5. Bætið bragðefnunum út í smjörsykursblönduna
6. Geymið u.þ.b. 1/4 bolla (4msk) af kókosmjólkinni fyrir kremið
7. Bætið þurrefnunum og kókosmjólkinni út í hræruna til skiptis. Byrjið og endið á þurrefnunum.
8. Hrærið ekki lengur en þarf til að allt blandist saman, leggið til hliðar
9. Þeytið eggjahvíturnar með cream of tartar (má sleppa) þangað til stífir toppar myndast.
10. Blandið 1/3 af hvítunum saman við deigið og svo restinni.
11. Skiptið milli formanna tveggja (má líka geyma í skál meðan annar botninn bakast séu ekki tvö form til staðar), sléttið og inn í ofn
12. Bakið í u.þ.b. 30-40 mínútur eða þangað til prjónn kemur hreinn út þegar stungið í miðju kökunnar.

Aðferð – rjómaostakrem:

1. Þeytið saman rjómaost og smjör þar til mjúkt.
2. Sigtið flórsykurinn og blandið vel saman við
3. Bætið kókosmjólk út í eftir þörfum, 1msk í einu, þar til kremið er nógu mjúkt til að dreifa á kökuna

Aðferð – sítrónukrem:

1. Hitið saman sítrónusafa og smjör í potti yfir meðalhita, rétt þangað til fer að sjóða.
2. Pískið saman egg og eggjarauðu í hitaþolinni skál, bætið svo sykrinum rólega saman við.
3. Hellið sítrónublöndunni rólega saman við og pískið jafnóðum (hér er gott að eiga töfrasprota með písk eða handþeytara).
4. Setjið allt saman aftur í pottin og á helluna við meðalhita. Hrærið stanslaust með viðarsleif þangað til blandan þykknar ca 2-5 mínútur.
5. Blandan er til þegar hægt er að draga fingur með bakhlið sleifar og skilji eftir sig slóð.
6. Sigtið blönduna í hreina skál, setjið plastfilmu yfir og geymið í ísskáp í ca 1-2 tíma áður en þið notið kremið.

Hægt er að gera þetta krem allt að 5 dögum fram í tímann, geyma í vel lokuðu íláti í ísskáp.

Samsetning

1. Setjið annan botninn á disk og setjð smjörpappír í kring til að hlífa disknum og losna við þrif á diskbrún
2. Setjið 3/4 af rjómaostakreminu EÐA 1/2 af sítrónukreminu og stráið 1/2 bolla af kókosmjölinu yfir.
3. Setið seinni botninn yfir og smyrjið alla kökuna með kreminu, bæði ofan á og hliðar.
4. Restin af kókosmjölinu sett utanum kökuna og bökunarpappírinn fjarlægður.
5. Skreytið með blómum og öðru eftir smekk

Kökuna má vel gera daginn áður, jafnvel tveim dögum áður en hana þarf að geyma í kæli á meðan og taka út 2 klst áður en hún er borin fram.

Verði ykkur að góðu!

Eins og svo oft þá geri ég yfirleitt fleiri en færri því það er mín reynsla að slys gerast og þau geta brotnað, dottið í gólfið eða annað stórfurðulegt gerst. Mæli ég því með að þið gerið a.m.k. fimm auka stykki til öryggis. Hér eru nokrar myndir af blómunum. Ég notaði sólblómamót (4 stærðir), sigti, gum paste, grunna eggjabakkadýnu, sykurmassalím (úr Tylose) og AmeriColor matarliti. Litirnir sem ég notaði voru túrkish, chocolate brown, golden yellow, terracotta og orange (Wilton).

 Eggjabakkadýnun er notuð til að gera blómin líflegri. Þegar búið er að skera þau út með skeranum eru þau sett á eggjabakkadýnuna til að ná réttri lögun og hún hjálpar til við að lofta um blómin og þurrka/herða þau.

Smá nærmynd, hérna sést vel hvað sigtið gerir mikið fyrir miðjuna á blóminu. Munstrið í blóminu sjálfu kemur úr mótinu.

Mér fannst litablandan vera svo góð að ég tók alltof margar myndir eins og ég á það til að gera þegar eitthvað heppnast vel

Að lokum ein tekin ofan frá. Sólin var farin að setjast á þessum tíma og þess vegna komu þessir miklu skuggar sem þið sjáið.

Ég er annars með geðveika kókostertu í ofninum, ætla athuga hvort ég fái ekki leyfi til að deila uppskriftinni með ykkur og mun þá setja hana inn skreytta með nokkrum blómum sem ég átti afgangs.

Síðasta fimmtudag byrjaði ég að baka og útbúa skraut fyrir fermingartertu sem vinkona mín úr vinnunni bað mig að gera í tilefni af fermingu hjá syni hennar. Mér tókst að baka alla botnana, gera skrautið og kremið á fimmtudagskvöldinu og á föstudagskvöldinu var kakan sett saman og skreytt. Það var mjög skemmtilegt að gera þessa þar sem hún var nokkuð frábrugðin því sem ég hef gert áður og ég fékk annað tækifæri til að spreyta mig á Patchwork skerum. Ég get núna sagt að ég dýrka þá, það er að segja eftir að ég fékk mér kökunál sem er gott að nota með. Nóg um þetta, ég geri ráð fyrir að þið viljið sjá myndir og hér koma þær. Ég segi svo frá þeim tækjum, tólum og öðru gagnlegu samhliða myndunum.

Kakan komin á veisluborðið

Fermingardrengurinn, Ástráður, með kökunni. Ég varð bara að fá eina svona mynd, held hreinlega að ég verði að gera meira af því að taka myndir af fólki… Lýsingin á kökunni er hinsvegar ekki alveg í lagi.

Nærmynd af skrautinu. Ég notaði svartan AmeriColor matartúss til að teikna línurnar fyrir stafina og nóturnar. Stafirnir eru gerðir með einföldu stafamóti (Wilton) með litlum stöfum og nóturnar eru úr patchwork setti sem inniheldur danspör og nótur.

Hér er miðstærðarparið, ég hélt ég myndi nota þá stærð en mér fannst það ekki passa þannig að ég notaði stærsta fyrir toppinn og minnsta fyrir hliðarnar á efstu kökunni. Þessu er þrýst niður á gum paste (betra að hafa gum paste og vel þunnt!) gott er að nota kökunál til að losa frá svo hliðarnar verði sléttar. Einnig má nota hníf með fínan hnífsodd.

Hérna sést litla dansparið vel, þau voru nokkur svona allan hringinn ásamt allskonar nótum. Ég gerði svo heilan helling af  stjörnum til að skilja efstu hæðina frá þeirri að neðan. Ég mæli með að gera skraut eins og stafina, nóturnar og dansparið fyrifram því það þarf ekki að beygja. Stjörnunar þarf hinsvegar að gera jafnóðum nema þið getið haldið þeim mjúkum þangað til þær eru notaðar.

Píanólyklana ætlaði ég fyrst að skera á með mynsturskera en ég lenti í smá vandræðum og endaði á að skera út hvern einasta lykil, bæði svörtu og hvítu.

Hér sést patchwork parið í nærmynd. Alveg æðislegt hvað útlínurnar koma vel út. Auðvitað er hægt að gera þetta með hvítu gum paste og mála eftir því sem við á. Ég gerði í raun tvö danspör, annað í lit og hitt svart og á endanum kom best út að hafa allan pakkan í svart hvítu. Ef þið eruð að velta fyrir ykkur hvernig ég festi dansparið á kökuna, þá festi ég smá blómavír að aftan (einnig gert kvöldið áður) og svo stungið beint niður í kökuna þegar búið er að stilla henni upp. Ég mæli ekki með að setja kökutopp á köku fyrr en hún er komin á áfangastað!

Hérn sést hvernig kakan leit út frá hlið. Ég gerði kökuna þannig að hún ætti að vera flott frá hvaða sjónarhorni sem er.

Enda þetta svo á einni heildarmynd séð beint framan á kökuna.

Ef þið hafið einhverjar spurningar út í einstaka atriði er ykkur velkomið að heyra í mér, hvort sem er í tölvupósti eða Facebook skilaboðum.

[Show as slideshow]

Þar sem ég hef lítið fram að færa sjálf langar mig að segja frá hugmyndum og verkum annarra. Það er svo ótal margt sem mig langar að prufa, læra nýja hluti og eftir því. Eflaust eru einhver ykkar búin að láta á reyna og væri gaman að heyra af ykkar reynslu.

Það fyrsta sem hefur lengi blundað í mér eru smákökur, þá á ég við þessar sem eru svo skemmtilega skreyttar með glassúr og geta verið í öllum stærðum og gerðum, regnbogans litum ofl ofl. Þar kemur Sweetopia inn í myndina. Þar eru að finna alveg ótrúlega flottar og skemmtilegar útfærslur og alltaf virðast þær fullkomnar og “easy peasy”, held þó að sú sé ekki raunin. Eflaust þarf stöðugar hendur, rétta áferð á glassúrinn og svo framvegis. Ég get allsstaðar við myndirnar hvaðan ég er að fá þær, með því að smella á hverja mynd farið þið beint á færsluna sem fylgdi myndinni.

Hér eru nokkrar myndir af því sem ég hef séð og dáðst að, myndirnar eru fengnar af heimasíðunni, Sweetopia.net

Sweetopia.net

Hér eru fleiri páskahugmyndir í svipuðum dúr.

Sweetopia.net

Hér getið þið séðmyndband með leiðbeiningum um hvernig hún fer að.

Ég hef séð margar útgáfur af þessum cars smákökum sem gætu verið mjög skemmtilegar í krakaafmælið, auðvitað hægt að hafa hvaða teiknimyndafígúrur sem er, mundi þó sérstaklega eftir þessum.

cookiecowgirl.blogspot.com

Slíkar smákökur gætu verið tilvalin borðskreyting fyrir brúðkaupið þar sem þessar er hægt að gera nokkuð fram í tímann. Hér eru nokkrar hugmyndir sem ég fann þegar ég fór að gá á vefnum.

rollingpinproductions.com

sunflowerbaking.com

makeupandcookies.blogspot.com

Ef til vill væri tilvalið að gera eftirfarandi smákökur í tilefni sumardagsins fyrsta sem er á næsta leiti.

Emma’s Sweet Treast (ssemmassweettreats.blogspot.com)

sweetopia.net

1950satomicranchhouse.blogspot.com

Segjum þetta gott í bili, ég vona að þetta gefi ykkur jafn mikinn innblástur og það gefur mér. Ég mun ef til vill birta fleiri svona færslur meðan ég er ekki í eldhúsinu og þið kynnist vonandi nýjum bloggurum þarna úti.

[English] I have posted some pictures not taken by me, but fellow bloggers. I am not pretending to be the owner or creator, I simply wanted to share their beautiful work. I have always added information about the creator along with full url to the original post.

Ég get þó sýnt ykkur smá samstarfsverkefni sem ég og litla systir mín unnum að í fyrra. Við gerðum súkkulaðiköku, skreytta með körfumynstri, fyllt með mini smarties og heimagerðum súkkulaðieggjum.

Eins og þið sjáið á myndinni eru eggin mjög blönduð. Okkur fannst of “einfalt” að gera einlit egg og prufuðum því að blanda súkkulaðinu saman og úr urðu þessi skemmtilegu egg. Körfumynstrið gerði ég með topp #47 frá Wilton, einnig hægt að nota #48. Ég er ekki alveg með á hreinu hvaða númer er á honum hjá Ateco.

Hér eru svo ein aðferð við að búa til súkkulaðiegg. Ég er ekki búin að leggja í hana sjálf en stefni á það seinna í vikunni eða byrjun næstu viku.

Myndin er fengin af Facebook síðu spegill.is, veit ekki hvaðan hún kemur upprunalega.

Að lokum langar mig að benta á “risaeðlu” eggin sem ég hef séð á vefnum. Þau eru svo smart og skemmtileg og börnin geta auðveldlega tekið þátt í að skapa þessi.

Hér er smá sýnishorn fengið af heimasíðunni: www.ourbestbites.com

Ef þið viljið sjá nánar hvernig þær gerðu eggin getið þið nálgast færsluna hér: http://www.ourbestbites.com/2011/04/dinosaur-eggs/purple-dino-egg/

 - ein sem er farin að hlakka til páskanna -

Ég man ekki alveg hvaðan hugmyndin af þeim kom en ég fékk leiðarvísi á CakeCentral.com hér finnið þið sniðmátið sem ég nota og getið prentað það út.

Ég byrja á að taka sniðmátið til og flokka eftir því hvað á að vera hvítt og í völdum lit.

Hér er önnur hliðin á skónum. Mér finnst betra að gera þá úr Gum paste því það stífnar fyrr og auðveldara að móta heldur en sykurmassa.

Snúið miðanum við til að fá móthliðina.

Hér er sitthvor hliðin komin og hægt að skera frá. Best að gera það með beinum og vel beittum hníf. Skolið hann á milli sé þess þörf.

Næst geri ég götin fyrir reimarnar og gata með gatarnum til að gera þetta einkennandi mynstur. Ég notaði Wilton opinn hringlaga topp #7 til að gera götin. Reyndar geri ég munstrið og götin eftir að ég hef skorið allt út en fannst passa betur að sýna hér.

Haldið áfram að skera allt út eftir sniðmátinu og leggið til hliðar í plast eða annað sem kemur í veg fyrir að massinn þorni of fljótt. Ef hann þornar koma sprungur áður en þið getið mótað almennilega.

Skósólarnir, mæli með að hafa þá svolítið þykka.

Hér er allt komið og tilbúið til að gata, mála og allt sem þarf að gera. Ég á það til að skera allt út fyrst, gata og munstra. Einnig má gera hringina fyrst og mála stjörnurnar svo þær nái að þorna.

Byrjið á að setja “botninn” saman. Þarna sjáið þið að bláa röndin er ekki komin. Mín reynsla er að best er að gera það í lokin svo verði ekki allt út í bláum matarlit. Það varð allt blátt þegar ég var að prufa gera skóna í fyrsta skiptið.

Hér eru hliðarnar og aftur strappið komð ofan á. Mér finnst betra að líma allt ofan á jaðarinn en það má einnig gera innfyrir ef ykkur finnst það betra.

Hér er tungan komin í ásamt hvíta ofan á. Mér finnst erfiðast að móta þennan hvíta hluta sem fer ofan á en æfingin skapar meistarann og gott að nota bómull til að styðja við og hjálpa.

Skórnir tilbúnir fyrir reimarnar.

Satínborðinn dreginn í gegn. Ég fæ mína satínborða hjá Rúmfatalagernum og Garnbúðinni.

Hér vantar bara bláu röndina og stjörnuna. Verð að játa að þeir eru ekki upp á marga fiska svona kringum allt “draslið” sem fylgir þessu, læt því fylgja með eina hér í lokin sem sýnir stakt par af skóm og sama par komið á köku.

Gangi ykkur vel!

Ég byrjaði á að skella í mína uppáháldssúkkulaðiköku sem er djöflaterta með súkkulaðismjörkremi á milli. Meðan kakan bakast er ágætt að demba sér í smá svínagerð.

Ég byrjaði á að taka smá bút af Fondant (SatinIce), ca 125 gr og litaði hann með smávegis af Red Red sem gefur honum fallega bleikan lit.

Því næst gerði ég kúlu sem ég lagði á borðið og gerði svolítið ílanga. Notaði svo tólin til að gera skoruna og smá gat fyrir rófuna. Það þarf svosem engin sérstök áhöld nema tannstöngul til að gera þetta.

Rófuna gerði ég með því að gera örmjóa lengu og vefja henni kringum eitthvað lítið en vel hægt að gera í höndunum. Hér er fyrsti grísarassinn klár.

Því næst tóku við eyru og klaufar. Þessi sýnir kannski ekki nógu vel hvernig þetta er gert en gefur hugmynd. Besta ráðið sem ég get gefið varðandi fígúrugerð er að byrja ávallt með slétta kúlu (af öllum stærðum) og vinna svo út frá því. Þannig losnið þið við samskeyti og sprungur sem geta myndast.

Hér er leti grísinn tilbúinn, fjórar klaufar sem voru litlar kúlur og þrýst niður með tannstöngli eða þægilegu áhaldi. Til að festa eyrun geri ég lítið gat sem ég sting öðrum endanum léttilega inn í. Takið þið eftir fyrirmyndinni í bakgrunninum?

Hér var svo síðasti grísinn klár.

Næst á dagskrá var að setja saman kökuna og undirbúa hana með KitKat girðingu, borða og leðju.

Hér voru botnarnir komnir saman, mér finnst betra að hvolfa efri botninum því það auðveldar að ná henni sléttri að ofan.

Kremið komið á og allt tilbúið fyrir KitKat. Ég var afar gjafmild á kremið á hliðunum svo væri auðveldara að festa KitKatið við kökuna.

Það er ágætt að vera búinn að taka KitKatið í sundur og geyma í frysti svo það bráðni ekki í höndunum ef það er heitt inni. Ég þurfti á endanum 10 KitKat pakka+1 stöng (41 stöng í heildina).

Svo er bara að raða þeim kringum kökuna og gott að hafa borðan tilbúinn ef þær vilja ekki haldast nógu vel.

Hér er kakan klár fyrir næsta skref, þ.e.a.s. leðjuna. Ég gerði leðjuna úr súkkulaði ganache, þessi uppskrift var mátuleg fyrir mig.

Hér er ég byrjuð að setja smá af kreminu ofan á kökuna. Ég las einnig að þið getið notað Nutella fyrir þá sem það vilja. Passið þó að kremið sé ekki of lint því þá….

Gerist þetta… það lekur í gegnum girðinguna. Þetta voru alveg frábær mistök hjá mér en vona að aðrir læri af þeim. Þetta reddaðist þó allt saman.

Ég tók mig til og gerði smá vörn, beið aðeins lengur eftir að kremið kólnaði og stífnaði og hellti svo aftur í.

Allt annað hérna. Kremið orðið stífara og kom mjög vel út.

Grísirnir að undirbúa sig fyrir leðjubaðið góða.

Þið getið svo raðaða þeim eins og ykkur sýnist. Hér er ég aðeins byrjuð. Þar sem ég var með gott magn af kremi ofan á er ekkert mál að ýta meira á grísina og þá fara þeir lengra ofan í.

Grísir í nærmynd.

Kakan tilbúin í afmælið.

Hér eru svo leiðbeiningar á þægilegra formi fyrir þau ykkar sem viljið kannski eiga þetta á prenti.

Hráefni:

• Djöflaterta eða súkkulaðiterta að eigin vali, ég bakaði mína í 18cm hringlaga kökuformi
• Súkkulaðikrem að eigin vali t.d. súkkulaði ganache eða Nutella
• ca 125 gr af sykurmassa eða tilbúnir grísir
• Rauður eða bleikur matarlitur
• 11 pakkar af KitKat (þurfið 41 lengju)
• Borði
• Kökudiskur

Aðferð:

1. Smyrjið kökuna með kremi og raðið KitKat lengunum meðfram allri kökunni. Reynið að hafa eins þétt og þið getið.
2. Haldið KitKatinu á sínum stað með borða
3. Hellið kreminu ofan í
4. Raðið grísunum í leðjuna
5. Berið fram og njótið