Algengar spurningar

Tekur þú að þér að gera kökur fyrir aðra?
Já, ég tek pantanir fyrir konfekt og kökur. Ég er með starfsleyfi og vinnuaðstöðu hjá Matís að Vínlandsleið 12. Þessi síða er  áhugamál mitt og er hugsuð sem einskonar dagbók, samansafn uppskrifta og hvatning fyrir aðra.

Get ég farið á póstlista hjá Kökudagbókinni og fengið upplýsingar um nýjustu færslurnar?
Já, með því að fara á forsíðuna og skrá netfangið þitt undir "Póstlisti". Það kostar ekkert að vera á póstlistanum og sér kerfið um að senda færslur áfram.

Get ég fylgst með þér á Facebook?
Já, þú finnur síðuna undir Kökudagbókin eða með því að smella hér.

Hver stendur á bakvið þessa síðu?
Þú finnur nánari upplýsingar undir síðunni "Um mig".

Hvar færðu áhöldin þín og hráefni?
Áhöldin hef ég fengið víðsvegar að, sum hef ég pantað á netinu og fengið send heim t.d. af Amazon, önnur hef ég keypt hér á landi. Ég hef mikið verslað við Allt í Köku en ég leita einnig í heildsölur þegar það á við.

Hráefnin versla ég víðsvegar, eftir því hvað og hversu mikið ég þarf hverju sinni.

Hvaðan eru uppskriftirnar þínar?
Uppskriftirnar fæ ég víðsvegar að, gömlum og nýjum uppskriftabókum, bæklingum, frá ömmu og afa og öðrum heimasíðum. Ég geri mitt besta til að geta heimilda og tek einnig fram ef ég hef breytt uppskrift og gert hana að "minni eigin".

2 replies added

  1. Sæl – var að rekast á síðuna þína og prófaði eina uppskrift með góðum árangri, en var ekki viss hvort ég ætti að nota blástur. Mér er sagt að það sé alltaf gert ráð fyrir blæstri í íslenskum uppskriftirum þótt það sé ekki tekið fram.

    Það væri gott að vita þetta áður en lengra er haldið.

    Með þökk,
    Hjördís

    • Eva 25/12/2015 Reply

      Sæl Hjördís,

      Gaman að heyra að hafi gengið vel með baksturinn. Almennt nota ég blástur í bakstri nema einstaka tilfellum eins og með franskar makkarónur.

      Ef það kemur ekki sérstaklega fram hjá mér má gera ráð fyrir að ég baki með blæstri. Það sem getur þó haft áhrif á baksturstíma eru mismunandi stærðir á mótum og misjafnt hitastig á ofnum.

      Kær kveðja,
      Eva

Leave your comment